Oblys turǵyndaryna bergen esebinde aımaq basshysy Qumar Aqsaqalov osy máselege erekshe toqtalyp, Aıyrtaý aýdanyndaǵy «Shalqar sý» sanatorııin synǵa aldy.
«Kezinde janǵa jaılylyq syılaǵan sanatorııdiń búgingi jaıy jarylystan keıin sııaqty», dedi ol.
Shalqar-Imantaý kýrortty aımaǵy respýblıkalyq mańyzdaǵy on úzdik joba qataryna engendikten, endi atalmysh sanatorııdi ınvestor qalpyna keltirmek.Bul maqsatqa bastapqy kezeńde bir mıllıard teńge baǵyttalatyn bolady. Iаǵnı aýqymdy joba ınjenerlik jáne avtkólik ınfraqurylymdaryn salý, demalys aımaǵyn abattandyrý, marketıng, jarnamalardy tolyqtyý sııaqty mindetterdi júzege asyrady.
Q. Aqsaqalov óz sózinde Elbasy ishki jáne syrtqy týrızmdi órkendetýge basa kóńil bólip otyrǵanyn, bul oraıda Shalqar kóliniń áleýeti zor ekenin jetkizdi. Shaǵyn jáne orta bıznes ókilderine týrızm nysandaryn turǵyzý úshin barynsha kómek kórsetiledi. Byltyr bul baǵytta 150 shaqyrym jol jóndelip, ınfraqurylymdardy jańartýǵa 3,2 mıllıard tege jumsalǵan. Budan bylaı sheteldik týrıster de Shalqar, Imantaý, Botaı syndy tarıhı jerlermen erkin tanysa alady. Qyzyqtaýshylardyń sany eki esege kóbeıýi osyny ańǵartady. 2 myńnan astam móldir kóli, 700 myń gektardan astam ormany bar óńirde ekotýrızmdi damytýǵa da basa kóńil bólingen.
Týrızm salasyn júıeli damytý úshin Mádenıet jáne sport mınıstrligimen birlesip 2025 jylǵa deıin aralyqty qamtıtyn memlekettik baǵdarlama jasalǵan.
О́mir ESQALI,
«Egemen Qazaqstan»
Soltústik Qazaqstan oblysy
